Unidades coas respostas

Estimadas familias:

Adxunto no apartado de 5º EP da páxina web do colexio as unidades que estamos a traballar xunto coas respostas.

Hai casos no que a solución é moi concisa, por exemplo, en Matemáticas indícase só o resultado sen mostrar o proceso para chegar a el, polo que explicaremos cada exercicio ao revisalos na clase. Pero polo menos, que vos sirvan de guía para saber se os nenos/as vanno facendo máis ou menos ben.

👉 O traballo de Galego indicado o martes, que o fagan con calma.
Deixaremos a seguinte quincena para que todos e todas podan rematalo.

👉 O luns 30 indicarei novo traballo (avanzo que serán fichas de repaso dos últimos temas de Lengua e Matemáticas para dar tempo aos que van máis retrasados nas tarefas).

🔊 Por favor, que cada neno/a traballe ao ritmo que lle marque a súa familia.
🔊 As miñas indicacións son unha mera orientación do traballo que faríamos na clase.
🔊 Non se avaliará este traballo.
🔊 O importante é que o alumnado vaia traballando dunha maneira regular cada día, pero sen agobios familiares.
🔊 É importante que estedes ao tanto do blog de aula (sobre todo pola situación na que estamos a vivir), xa que nel estará toda a información relacionada con 5º a nivel de centro, titoría, especialidades, así como actividades e suxestións.
🔊 É moi complicado, por non dicir imposible, adecuarse a cada escolar. Onde un pode ir moi avanzado e pedir máis tarefas das indicadas, outro pode ir moi retrasado e estresarse. Se houbera estes casos, o primeiro ten suxestións de actividades no blog se lle interesara e o segundo que traballe con calma e sen presión.

Para calquera cuestión non dubidedes en contactar comigo polo correo electrónico.

Unha aperta.