A nosa compañeira Sabela cóntanolo e ademais, queremos agradecerlle o seu esforzo, xa que tivo que redactar o texto e logo escribilo no blog ao final da mañá. Moi bo traballo Sabela! 😉
Hoxe foi un día especial!
Cando entramos no cole, vimos a todos os profesores disfrazados. Subindo a clase vimos como estaba todo decorado con adornos de Samaín: cabazas, teas de araña, música de medo... Ao chegar a aula, Aleixo contounos o que íamos facer ao longo do día.
Nas primeiras horas da mañá repasamos Naturais para preparar o control. Cando rematamos, Ainara, Uxía, Lía e eu practicamos diante dos nosos compañeiros/as a narración do conto que inventamos fai unhas semanas e que escribimos a limpo nunhas cartulinas. Logo viñeron os de 4º B e tamén llo contamos a eles, o que nos serviu como segundo ensaio.
No recreo todos xogamos disfrazados ata as 12:15h mentres soaba música de medo. Na hora de lectura fomos contar o conto aos nenos e nenas de 4 anos A. A continuación, cantamos todos xuntos a canción "Corre, corre cabaciña; corre, corre cabazón". Antes de regresar a clase, paseamos polo cole para ver as portas decoradas de cada curso.
Ao final da mañá, os de 4º B viñeron a nosa aula para ver unha película chamada "La bruja novata", pero antes os que trouxeron cabaza foron a recollela. Durante a peli, Uxía repartiu uns riquísimos "dedos de bruxa" e unhas deliciosas "galletas de araña".
Pasámolo de medo!
Sabela.
Sabela, Lía, Ainara e Uxía: quérovos dar as gracias polo voso esforzo e interese nesta actividade. Estivéchedes xenial en todas as lecturas. Estou moi orgulloso de vós! 👌
