Comecocos temáticos

Semanas atrás estaba eu dándovos clase cando vos tiven que chamar a atención a varios/as de vós por estar argallando con papelitos en vez de atender á explicación... Ditos papelitos resultaron ser os famosos comecocos, así que pensei: "Se non podes co inimigo... únete a el!". Desta maneira, propúxenvos crear uns comecocos feministas sobre mulleres que xa coñeciamos polos libros lidos.

Así, de maneira moi acertada, varios de vós suxeristes outras temáticas: personaxes destacados da cultura, autores galegos para o Día das Letras Galegas...

Ben, pois aquí tedes algúns exemplos de como quedaron e como se pode aprender xogando. 👍😉

Pronto mostraremos estes xogos aos nenos e nenas doutras clases! 😄