A mellor sopa do mundo

O venres pasado, na nosa sesión de biblioteca, estabamos a traballar en diferentes cousas cando as intérpretes de lingua de signos do noso cole, Tareixa e Andrea, chegaron cun grupo de alumnos e alumnas. Querían gravar un conto para que os nenos e nenas puideran velo en youtube e así aprendelo en lingua de signos.

Deste xeito, pediron a nosa colaboración. Sabela foi a encargada de ler o conto, marcando os personaxes para que Tareixa e Andrea puideran interpretar cada un deles. Tiñamos que estar en silencio, así que o resto fixemos un alto no noso traballo e fumos público e testemuñas privilexiadas da gravación do conto.

A mellor sopa do mundo xa está "colgado" na canle de youtube de LSE Ceip Quiroga Palacios, pero neste vídeo que eu gravei (mentres elas gravaban o seu 😅) vésevos como público e moloume máis. 😉