Neste derradeiro trimestre, o grupo de Valores imos facer debates sobre aspectos relevantes da nosa sociedade nos que sabemos que hai certa controversia, no sentido de que unha parte está a favor e a outra está en contra.
Por medio destes debates, aplicaremos o traballo de investigación, o traballo en equipo, a tolerancia do que pensa distinto a nós, respectar o turno de palabra, practicar a oratoria, entender diferentes puntos de vista...
Esta semana debatiron dous equipos sobre o complicado asunto dos Menores Estranxeiros Non Acompañados (M.E.N.A.), mentres un terceiro tivo o rol de público e xurado.
Hoxe foi o primeiro desta serie de debates e debo dicir que saíu moi ben!
Tanto un equipo, coma o outro, defendestes as vosas posicións con datos contrastados, ideas claras, organización, tolerancia e respecto.
Estou moi contento dos resultados de hoxe e debo agradecervos o voso compromiso nesta actividade.
Xa me tarda o próximo debate que será sobre o aborto.
Mentres, seguiremos investigando sobre o tema a tratar, informándonos en distintos medios, contrastando a información, obtendo datos verídicos... para así, poder falar dun tema con propiedade e coñecemento.
Moito ánimo! Estades a facelo moi ben! 👌😊
|
Informándonos sobre os M.E.N.A. |
|
Investigando e organizando a información. |
|
Último repaso antes do gran debate. |
|
Traballo en equipo. |
|
Todo listo para o debate. |
|
Comeza o debate! |
|
Intervención de Paula. |
|
Danilo, como xurado, seguindo moi atento o debate. |
|
Rebatindo ideas. |
|
Moi atentas á intervención das súas contrincantes. |
|
Preparadas para responder e discutir por medio da palabra. |
Nós na clase fai pouco falámos sobre os M.E.N.A.S, pero só sei que son persoas estranxeiras menores non acompañados e Vox pensa que non poden estar aquí porque rouban.
ResponderEliminar(Aínda que en España, hai moitos españois que rouban).
Ola Uxía!
EliminarNa clase fixemos un debate ben interesante deste tema.
O difícil é defender unha postura que ti en realidade non pensas.
Os debates son unha actividade ben interesante para aprender, informarse, comprender diferentes puntos de vista, practicar a expresión oral...